Наманганда 67 ёшли шахснинг томорқасидан 90 туп кўкнори топилди
Фото: Наманган ИИБ
Наманган вилоятининг Учқўрғон туманида 67 ёшли шахс томорқасида 90 туп кўкнори етиштираётгани аниқланди. Бу ҳақда вилоят Ички ишлар бошқармаси хабар берди.
Қайд этилишича, жорий йилнинг 6 май куни Учқўрғон тумани ИИБ ходимлари томонидан ўтказилган «Қорадори-2025» тадбири давомида Учқўрғон тумани «Фарғона» маҳалласида яшовчи 67 ёшли фуқаро Т.И. томорқасида 90 туп кўкнори ўсимлигини парваришлаб келаётгани аниқланган.
Ҳозирда мазкур ҳолат юзасидан Учқўрғон тумани ИИБ ҳузуридаги Тергов бўлинмаси томонидан Жиноят кодексининг 270-моддаси 1-қисми билан жиноят иши қўзғатилиб, тергов ҳаракатлари олиб борилмоқда.
Эслатиб ўтамиз, аввалроқ Фарғона вилояти Қўқон шаҳридаги хонадонлардан бирида яшовчи 60 ёшли шахс 47 туп кўкнорини парваришлаб келинаётгани аниқланган эди.
Шунингдек, Данғара тумани ИИО ходимлари томонидан туман ҳудудида ўтказилган тезкор тадбирда «Қашқар» маҳалласида яшовчи 49 ёшли аёл яшаш хонадонида 118 туп агротехник ишлов берилган кўкнори гиёҳвандлик ўсимликларига ўхшаш ўсимликни экиб, парваришлаб келгани фош этилганди.
Тавсия этамиз
Кўп ўқилганлар
- Иш ҳақи, пенсия, нафақа ва стипендиялар миқдори 10 фоизга оширилади
- Эрон ва Исроил ўртасидаги зиддиятлар хронологияси ёхуд бугунги «уруш»нинг илдизи қаерда?
- Олимлар Альцгеймер касаллигидан ҳимоя қилувчи парҳез ҳақида маълумот беришди
- Доллар курси ошишда давом этмоқда
- Паркентда йилига 20 минг сайёҳни қабул қиладиган туристик мажмуа очилмоқда
- Ўзгаришларни сўз билан уйғотган журналист
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг