Фото: HumanBold

Олимлар ҳужайралардаги B6 витамини мия фаолиятини яхшилашини аниқладилар. Вюрсбург университети тадқиқотчилари «7,8-Dihydroxyflavone» деб номланган моддадан фойдаланиш ҳужайралардаги B6 витаминининг парчаланишини тўхтатиб қўйиши мумкинлигини исботлади. Ушбу янги ёндашув руҳий ва нейродегенератив касалликлар учун потенциал ечим бўлиши мумкин.

B6 витамини мия метаболизми учун зарур ва уни етарли миқдорда қабул қилиб юриш хотира муаммолари, депрессия каби касалликларга ҳам даводир. Қўшимчалар орқали B6 витаминини истеъмол қилиш етарли миқдорни бера олмайди. Янги усул самаралироқ бўлиши учун B6 витаминини парчалайдиган ферментларни ҳам қўшиб истеъмол қилиш керак.

Жамоа ўз хулосаларини «eLife» илмий журналида эълон қилди. Улар сичқонларда «pyridoxal phosphatase» ферментини блокировка қилиш уларнинг ўрганиш ва хотирасини яхшилашини кўрсатди. Табиий моддаси «7,8-Dihydroxyflavone» бу ферментнинг инҳибитори (кимёвий таъсирни секинлаштирадиган ёки аралаштирувчи восита — таҳрир) сифатида кўрилмоқда.

Ушбу кашфиёт мия касалликларини даволашда дори терапияси учун янги имкониятлар очади. «7,8-Dihydroxyflavone» моддаси бошқа тадқиқотларда ўрганиш ва хотирани яхшилаши аллақачон маълум бўлган.

Тадқиқотчилар ҳозирда ферментнинг янада самарали ингибиторларини яратиш устида ишламоқда. Муваффақиятли бўлса, ушбу инҳибиторлар B6 витамини даражасини ошириш руҳий ва нейродегенератив касалликларни даволашда ёрдам бериши мумкинлигини текшириш учун ишлатилиши мумкин.

Банан, авокадо ва манго бу муҳим озуқанинг ажойиб манбаларидир. Шунингдек, сабзавотлар орасида картошка, исмалоқ ва брокколи B6 витаминига бой ҳисобланади.

Аввалроқ, мия саратонини даволашда қилинган оламшумул кашфиёт ҳақида хабар берган эдик.