Жо Байден АҚШ Конгрессини Украина ва Исроилга зудлик билан ёрдам беришга чақирди

13:40 18 Апрель 2024 Дунё
594 0

Фото: AP

АҚШ президенти Жо Байден Конгрессдан Украина ва Исроилга зудлик билан ҳарбий ёрдам кўрсатишни сўради. Бу ҳақда у «The Wall Street Journal»га берган мақоласида айтиб ўтди.

«Ҳозир дўстларимиздан воз кечиш вақти эмас. Вакиллар палатаси Украина ва Исроилга миллий хавфсизлик бўйича фавқулодда ёрдам кўрсатиш тўғрисидаги қонун лойиҳасини қабул қилиши, шунингдек, Ғазо секторидаги фаластинликлар жуда зарур бўлган гуманитар ёрдамни маъқуллаши керак», — дейди Америка раҳбари.

Байден Украина ва Исроилни АҚШнинг дўстлари деб атади. Унинг фикрича, Россиянинг Украинадаги можарода ғалаба қозониши НАТОга аъзо бўлган Европа давлатлари учун хавф туғдиради. У, шунингдек, «дунёдаги ягона яҳудий давлати» бўлган Исроил ва Эрон ўртасидаги можаронинг кучайиши эҳтимолидан хавотир билдирди.

Аввалроқ, АҚШ Конгресси Вакиллар палатаси спикери Майк Жонсон Украинага қарз тизими кўринишида ҳарбий ёрдам таклиф қилгани маълум бўлган эди. Айни пайтда Украина, Исроил ва Тайванга учта қонун лойиҳаси орқали ёрдам кўрсатиш режалаштирилмоқда. Уларнинг ҳар бири Конгресс томонидан алоҳида кўриб чиқилади.

Бунгача Европа Иттифоқи давлат ва ҳукумат раҳбарлари Украинага ҳаво ҳужумидан мудофаа тизимларини зудлик билан етказиб беришга чақирганди.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?