Ёзёвон туманида инновацион усулда пилла етиштирилмоқда
Ботир МАДИЁРОВ/«Халқ сўзи». Ёзёвон туманида жорий йилда биринчи ва иккинчи мавсум давомида 2 минг 145 қути ипак қурти асосан инновацион усулида, яъни плёнка остида парваришланди. Бундай усулда пилла етиштиришнинг афзал жиҳатлари кўп бўлиб, энг аввало, намлик яхши сақлангани боис тут барги озуқаси исроф бўлмайди. Ўз навбатида ипак қурти анъанавий усулга нисбатан тез пилла ўрайди.
— Замонавий ёндашув ўз самарасини бериб, чилги ҳосил теримига тез киришилди ҳамда мамлакатимизда биринчи бўлиб шартнома режаси бажарилди, — дейди «Ёзёвон агропилла» МЧЖ раҳбари Оишахон Ибрагимова. — «Нурли тонг силк» пиллачилик кластери билан ҳамкорликда ипак қурти уруғи 10 та инкубаторияда жонлантирилиб, ўзаро келишув асосида 240 та фермер хўжалиги ва 910 нафар касаначиларга тарқатилди. Белгиланган тадбирлар сифатли амалга оширилиб, 129,5 тонна «кумуш тола» йиғиштириб олинди.
Шунингдек, давлатимиз раҳбари ташаббуси билан жорий йилдан пилла нархи оширилиб, пиллакорларга топширилган ҳосил учун тарозининг устида пулининг тўланиши ҳам катта рағбат бўлди.
Тавсия этамиз
Кўп ўқилганлар
- 21 октябрь – Ўзбек тили байрами куни
- Рўзиқул Бердиевнинг матбуот анжуманидаги фикрлари юзасидан суриштирув ўтказилади
- Ўзбекистонда Касбий таълим агентлиги ташкил этилади
- Трамп Корея яриморолидаги можарога якун ясашга ваъда берди
- Ўзбекистоннинг янги траекторияси: Асосий хорижий трансферлар харитаси
- АҚШ Россияга босим ўтказишнинг муқобил усулларини ўрганмоқда
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг