Самарқандда «махфий» олтин конлар хариталарини сотмоқчи бўлган компания директори қўлга олинди
Фото: Видеодан кадр
Самарқандда хусусий геология-қидирув компанияси директори ноқонуний равишда пул олаётган вақтда ушланди. Бу ҳақда Давлат хавфсизлик хизмати матбуот хизмати хабар берди.
Маълумотларга кўра, ушланган шахс ўзини олдин Геология ва тоғ-кон саноати вазирлигида ишлаганини айтган ва Самарқанд ҳамда Жиззах вилоятларида олиб борилган геология ишлари давомида тузилган, гўёки махфий ҳисобланган геологик хариталар ҳамда олтин конларининг суратларига эгалигини билдирган. Ушбу маълумотларни 25 минг долларга сотишини таклиф қилган.
ДХХ ходимлари уни 10 минг доллар олган пайтда ушлади. Эксперт хулосасига кўра, унинг қўлидаги маълумотлар махфий ҳисобланмайди.
Ҳозирда Жиноят кодексининг тегишли моддалари асосида жиноят иши қўзғатилган, тергов ҳаракатлари олиб борилмоқда.
Тавсия этамиз
Кўп ўқилганлар
- «Бунёдкор» мураббийи Сергей Арсланов вафот этди
- Ўзбекистонда доллар курси пастлади
- Қондаги глюкозани пасайтириш учун кечки овқатланишнинг идеал вақти маълум бўлди
- Сардобанинг сири нимада?
- Камчатка соҳилларидаги кучли зилзиладан сўнг Ўзбекистон Консуллиги ватандошларимизга мурожаат қилди
- Бухоролик докторант ниманинг эвазига Президент совғаси – автомобилга эга бўлди?
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг