Қарши шаҳри жамоат транспортларида электрон тўлов йўлга қўйилди
Фото: "Халқ сўзи"
Йўловчиларга қулайлик яратиш мақсадида Қарши шаҳар жамоат транспортларида йўлкирани электрон тарзда тўлаш тизими жорий этилди. Шаҳардаги 15 та йўналишда қатновчи 200 та автобус электрон тўловларни қабул қилиш имконини берувчи махсус мосламалар – валидаторлар билан жиҳозланди.
Эндиликда йўловчилар махсус транспорт картаси ёки “Ҳумо” пластик картаси орқали йўлкира тўловини амалга ошира олади. Бунинг учун картани махсус мосламага теккизиш кифоя.
-Бу янгиликнинг қулайлиги шундаки, ҳар бир автобусда амалга оширилган электрон тўлов суммаси бошқарув марказида кўриниб туради ва мониторинг қилиб борилади, - дейди Қашқадарё вилоят транспорт бошқармаси бошлиғи Нарзулла Намозов.- Айни кунда йўловчиларга махсус транспорт картаси тарқатиш ҳамда картани “загрузка” қилишни янада осонлаштириш бўйича иш олиб боряпмиз.
Шунингдек, шаҳар транспортида қатновчи олий таълим муассасалари талабалари ва кекса йўловчилар учун имтиёзли транспорт карталари жорий этиш ҳам кўзда тутилган.
Фахриддин Бозоров, “Халқ сўзи”.
Тавсия этамиз
Кўп ўқилганлар
- Саккизта гол урилган ўйинда “Барселона” ғалаба қозонди
- “Башакшеҳир” Туркиянинг гранд клуби билан дуранг ўйнади
- Ўзбекистон миллий терма жамоаси учун Жаҳон чемпионати қуръаси омадли ўтдими?
- Ўзбекистон терма жамоасининг Жаҳон чемпионатидаги ўйин саналари эълон қилинди
- АҚШ Европадан НАТО мажбуриятларининг асосий қисмини ўз зиммасига олишни талаб қилди
- Германияда ўқувчилар ҳарбий чақирувга қарши намойишга чиқди
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг