Ўзбекистондаги АҚШ элчихонаси 10 июнь санасидан эътиборан, янги ва мукаммаллаштирилган виза суҳбатини белгилаш тизимини ишга туширишини эълон қилди.

Унга кўра, янги хизмат ёрдамида, мурожаатчиларининг виза бўйича маълумотга эга бўлиш, талаб этилган виза учун маъмурий тўловни амалга ошириш, виза бўйича суҳбат санасини белгилаш ҳамда етказиб бериш хизматидан фойдаланиш имкониятлари мавжуд бўлади.

Қўшимча қилинишича, янги визага мурожаат этиш жараёни орқали мурожаатчилар ҳар қандай талаб этиладиган виза мурожаати учун маъмурий тўловни суҳбат санасини белгилашдан аввал амалга оширади.

Шунингдек, янги суҳбат тизими орқали, суҳбатсиз визага мурожаат этиш талабларига жавоб берувчи мурожаатчилар етказиб бериш хизмати ёрдамида ҳужжатларини консуллик бўлимига топширишлари ҳамда ҳужжатларини белгиланган тегишли бўлинмадан қабул қилиб олишлари мумкин бўлади.

• «Tenge Bank»нинг барча филиалларида нақд пул орқали (Тўловлар АҚШ Элчихонасида қабул қилинмайди).
• Веб-сайтда АҚШ долларида пластик карта орқали.

Янги суҳбат тизими 10 июндан эътиборан, https://ais.usvisa-info.com/ веб-сайтида, 2 июль ва ундан кейинги саналарга барча ноиммиграцион виза суҳбатлари санасини белгилаш учун фаолият юрита бошлайди.

«АҚШ Давлат департаментининг аввалги суҳбат тизимидан фойдаланган ҳолда июнь ойи учун суҳбат санасини белгилаган виза мурожаатчилари белгиланган санада виза суҳбатига келиши ва виза учун тўловни бинонинг ичида суҳбатдан аввал амалга оширишлари керак бўлади», дейилади элчихона хабарида.

Айтилишича, ушбу жараёндаги янгиланишлар натижасида виза учун маъмурий тўлов миқдори ўзгармайди.