Нодирбек Абдусатторов ва Магнус Карлсен нуфузли турнир ғолиблиги учун беллашади
Ўзбекистонлик гроссмейстер Нодирбек Абдусатторов «Speed Chess Championship» турнирида иштирок этади. Бу ҳақда «Chess.com» нашри хабар берди.
Мусобақа тезкор шахмат бўйича бўлиб ўтади. Унинг плей-офф ўйинлари 26 июль — 9 август кунлари ўтказилади ва бу босқич онлайн тарзда ташкил этилади. Нодирбек Абдусатторов биринчи турда россиялик Янь Непомнящийга қарши баҳс юритади.
Турнирнинг финал босқичи 6-8 сентябрь кунлари Парижда ўтказилади. Мусобақанинг мукофот жамғармаси 175 минг АҚШ долларидан иборат бўлиб, ғолиб 35 минг АҚШ доллари эгаси бўлиши мумкин.
Ушбу турнирда ҳамюртимизга 4 карра жаҳон шахмат тожи эгаси, 2023 йилда Самарқанда ўтказилган рапид ва блиц шахмат бўйича жаҳон чемпионати ғолиби Магнус Карлсен ҳам рақиб бўлиши мумкин. Турнирда Карлсендан ташқари яна 14 нафар жаҳоннинг энг кучли шахматчиси қатнашиши кутилмоқда.
Тавсия этамиз
Кўп ўқилганлар
- Ўзбекистонда доимий аҳоли сони ҳар куни неча кишига ошяпти?
- Шаҳрам Ғиёсов тажрибали рақибини муддатдан олдин мағлуб этди
- Яна бир бозор аукционга қўйилди
- Самарқанд яна бир нуфузли форумга мезбонлик қилади
- Ўзбекистон паспорти халқаро индексда паст натижа қайд этди
- Марказий банк шошилинч огоҳлантириш билан чиқди
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг