Исроил ҳарбий-денгиз кучлари Ғазога гуманитар ёрдам олиб кетаётган фаолларни қўлга олди
Исроил ҳарбий-денгиз кучлари бортида гуманитар ёрдам, фаоллар ва швециялик атроф-муҳит фаоли Грета Тунберг билан Ғазо секторига кетаётган «Мадлин» кемасини қўлга олди. Бу ҳақда Reuters ахборот агентлиги хабар қилди.
Ҳарбийлар кузатуви остида кема Исроил қирғоқларига йўналтирилган бўлиб, йўловчиларга зарар етмагани айтилмоқда.
Яхта экипажи Фаластин анклавига озиқ-овқат етказиб бериш ва Ғазодаги гуманитар фалокатга эътибор қаратишни режалаштирган бўлган, аммо Исроил бу ҳаракатларни денгиз блокадасини бузиш ҳамда ҲАМАС жангариларини қўллаб-қувватлаш дея баҳолади.
Фаоллар яхтадан олинган видеони ижтимоий тармоқларда эълон қилди. Грета Тунберг Исроил ҳарбийларининг ҳаракатларини одам ўғирлаш деб атаб, Швеция ҳукуматини ҳолатга аралашувга чақирган.
Исроил ТИВ баёнотига кўра, кема йўловчилари ўз ватанига қайтади, бортда бўлган гуманитар ёрдам эса Ғазога юборилади.
Аввалроқ Исроил мудофаа вазири «Мадлин» кемасини Фаластин ҳудуди қирғоқларига яқинлаштирмасликни буюрган ва тарғиботчиларга орқага қайтишлари кераклигини айтган.
Тавсия этамиз
Кўп ўқилганлар
- Иш ҳақи, пенсия, нафақа ва стипендиялар миқдори 10 фоизга оширилади
- Олимлар Альцгеймер касаллигидан ҳимоя қилувчи парҳез ҳақида маълумот беришди
- Эрон ва Исроил ўртасидаги зиддиятлар хронологияси ёхуд бугунги «уруш»нинг илдизи қаерда?
- Доллар курси ошишда давом этмоқда
- Паркентда йилига 20 минг сайёҳни қабул қиладиган туристик мажмуа очилмоқда
- Ўзгаришларни сўз билан уйғотган журналист
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг