Чилонзорда инсон руҳиятига кучли таъсир қилувчи психотроп «савдогарлари» қўлга тушди
Фото: Бош прокуратура ҳузуридаги Департамент
Бош прокуратура ҳузуридаги Департаментнинг Чилонзор туман бўлими ва ДХХ ходимлари ҳамкорлигида ўтказилган тадбирда дори воситалари савдоси билан шуғулланиб келган фуқаролар ушланди.
Маълум бўлишича, Б.Х. ва А.Х. фуқаро М.Х.га жами 84 дона «Регапен» номли инсон руҳиятига кучли таъсир қилувчи, дорихонада махсус рецептсиз сотилмайдиган, дори воситасини 5 миллион сўмга сотган вақтларида қўлга олинган. Фуқаро А.Х.нинг ёнидан яна 18 дона дори воситаси ашёвий далил сифатида протоколга расмийлаштириб олинган.
«Мазкур ҳолат юзасидан Жиноят кодексининг 251-1-моддаси (кучли таъсир қилувчи ёки заҳарли моддаларни қонунга хилоф равишда муомалага киритиш) билан жиноят иши қўзғатилиб, тергов ҳаракатлари ўтказилмоқда», дейилади хабарда.
Аввалроқ интернет тармоғида гиёҳвандлик воситалари ёки кучли таъсир қилувчи моддаларни тарғиб қилувчи маҳсулотни тарқатганлик, реклама қилганлик ҳамда намойиш этганлик учун маъмурий ҳамда жиноий жавобгарлик белгилангани ҳақида хабар берган эдик.
Тавсия этамиз
Кўп ўқилганлар
- Ўзбекистонда доллар курси пастлади
- «Бунёдкор» мураббийи Сергей Арсланов вафот этди
- Қондаги глюкозани пасайтириш учун кечки овқатланишнинг идеал вақти маълум бўлди
- Камчатка соҳилларидаги кучли зилзиладан сўнг Ўзбекистон Консуллиги ватандошларимизга мурожаат қилди
- Сардобанинг сири нимада?
- Тошкентда «Иқтисодиёт ва бизнес бошқаруви соҳаларида илғор тадқиқотлар» мавзусидаги халқаро илмий симпозиум ўтказилди (+фоторепортаж)
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг