Samarqandda “Cultural night” madaniy tadbiri oʻtkazildi

16:56 08 Dekabr 2023 Jamiyat
595 0

18-oktabr kuni “Silk Road Samarkand” sayyohlik majmuasidagi “Boqiy shahar”da “Cultural night” madaniy tadbiri oʻtkazildi. Tadbir Butunjahon turizm tashkiloti (UNWTO) Bosh Assambleyasi yubiley 25-sessiyasining eng yorqin voqealaridan biriga aylandi.  

Maʻlumot uchun, “Cultural night” Oʻzbekiston hukumati tashabbusi bilan UNWTO Bosh Assambleyasi doirasida ilk bor tashkil etilayotgan madaniy kechadir. Tadbir etnik anʻanalar va liboslar namoyishini oʻz ichiga oladi va tadbir tashkilotchilari hamda ishtirokchilar namuna sifatida milliy kiyimlardan foydalanadilar.

Madaniy tadbirda 140 ta davlatdan delegatlar, turizm vazirlari va maʻmuriyatlari rahbarlari, xalqaro va mahalliy tashkilotlar, mahalliy va xorijiy ommaviy axborot vositalari vakillari ishtirok etdi.

Madaniy kecha doirasida milliy folklor ansamblining chiqishlari, gala-konsert, mehmonlar, raqqosalar ishtirokida “Boqiy shahar” boʻylab sayohat, hunarmandchilik yarmarkasi va  Oʻzbekiston viloyatlarining anʻanaviy sanʻat namoyishlari kabi tadbirlar boʻlib oʻtdi.

Anʻanaviy gala-konsert yakunida rang-barang dron-shou va bayramona salyutlar majmua osmonini yoritdi.

Taʻkidlash joizki, “Cultural night” madaniy tadbiri ishtirokchilarda yorqin taassurot qoldirdi. Bu kabi tadbirlar mamlakatimizning xalqaro miqyosdagi turizm imijini mustahkamlashga xizmat qilishi shubhasiz.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?

Ko‘p o‘qilganlar

Yangiliklar taqvimi

Кластер