2023-yilning avgustidan beri qamoqda saqlanayotgan Pokiston bosh vaziri Imron Xonga sud hukmi oʻqildi. U 14-yil muddatga qamaldi, deb xabar bermoqda “NBS news” nashri.

Maʼlumki, 72 yoshli sobiq bosh vazirga 2018-yildan 2022-yilgacha boʻlgan davrda korrupsiya, koʻchmas mulkni noqonuniy imtiyozlar orqali sotish hamda sovgʻa qilish bilan bogʻliq jinoyat ishi qoʻzgʻatilgan edi.

17-yanvar kuni Pokiston sudi sobiq bosh vazir va uning rafiqasiga nisbatan yakuniy sud hukmini oʻqigan. Sud xavfsizlik nuqtayi nazaridan bosh vazir saqlanayotgan mahkama binosida boʻlib oʻtgan.

Maʼlum qilinishicha, 2023-yilda Xonning rafiqasi Bushra Bibi ham korrupsiya, koʻchmas mulkni noqonuniy imtiyozlar orqali sotish hamda sovgʻa qilish bilan gumonlanib hibsga olingan. Keyinchalik u garov evaziga qoʻyib yuborilgan. Ammo sud uni ham yuqoridagi jinoyatlarda aybdor deb topgan hamda 7-yil muddatga ozodlikdan mahrum etgan.

Yuqorida keltirilgan jinoyatlarning asosiy ildizi Imron Xon lavozimida boʻlganida er-xotin tuzgan nodavlat ijtimoiy taʼminot tashkiloti “Al-Qadir Trust”ga borib taqaladi, deyiladi xabarlarda.

“Bu yer shaxsiy manfaat uchun emas, sobiq bosh vazir tashkil etgan maʼnaviy-maʼrifiy muassasa uchun boʻlgan”, — deydi sobiq bosh vazirning “Pokiston Tehrik-e-Insaf” partiyasi vakillari.

Pokiston Huquq vaziri Aʼzam Nazir jurnalistlariga bergan intervyusida, Imron Xonning partiyasi hukm ustidan shikoyat qilish uchun yuqori sudlarga murojaat qilishini va Pokiston prezidentiga rahm-shafqat soʻrab petitsiya ham yuborishini maʼlum qilgan.