Beshariqda 2,1 milliard soʻmlik gaz oʻgʻirlagan ota-bola qoʻlga tushdi
Beshariq tumanida 2,1 mlrd soʻmlik tabiiy gazdan oʻgʻrincha foydalanish holatlari fosh etildi. Bu haqida “Hududgaztaʼminot” AJ xabar berdi.
Unda aytilishicha, Fargʻona viloyati Beshariq tumanida oʻtkazilgan nazorat tadbirlari davomida tumanning “Boy” MFYda joylashgan fuqaro B. D. ga qarashli umumiy ovqatlanish maskanida xatlov oʻtkazilgan.
Aniqlanishicha, isteʼmolchi yashirin tarmoq tortib, gaz soʻrgich moslama orqali tabiiy gazdan noqonuniy foydalanib kelayotgani maʼlum boʻlgan. Mazkur holat boʻyicha dalolatnoma rasmiylashtirilib, 1 milliard 430 million soʻmlik tabiiy gaz hajmlari qayta hisob-kitob qilingan.
Shuningdek, yuqorida keltirilgan manzilning qarama-qarshi tomonida joylashgan fuqaro B. D.ning farzandiga qarashli boʻlgan ovqatlanish maskanida ham tabiiy gazdan noqonuniy foydalanilayotgani maʼlum boʻlib, 678 million 386 ming soʻmlik zarar hisob-kitob qilingan.
Hozirda holatlarga oid barcha hujjatlar huquqni muhofaza qiluvchi organlarga yuborilgan.
Tavsiya etamiz
Ko‘p o‘qilganlar
- Investorlar uchun eng jozibador hudud yoxud investitsiya oqimidagi keskin tafovutning sabab va oqibatlari
- Oʻzbekistonda inson aʼzolarini 3D bioprinterda chop etish imkoniyati yaratilmoqda
- Bedilni xalqqa tanitgan xattot
- Alisher Navoiy – ilm va maʼno ehtiyoji manbai
- Oʻzlikni anglash sari muhim qadam: “Milliy qadriyatlar atlasi” kitob-albomi taqdimot qilindi (+video)
- Milliy naqshlarda oʻzligimiz namoyon
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring