Олий Мажлис Қонунчилик палатаси Спикерининг ўринбосари, «Миллий тикланиш» ДП МК раиси Алишер Қодиров университетларга топширган абитуриентларнинг сони камайганига ўз фикрини билдирди.

«Олий таълим олиш учун мурожаатнинг сезиларли камайгани ёшларимизни қуйидаги хулосаларга келганини кўрсатади деб ўйлайман: Биринчи, олий маълумот ҳақидаги диплом яхши яшаш учун кафолат эмас. Иккинчи, сотиб олинган баҳолар, натижада диплом малака ва мутахассисликни пайдо қилиб қўймайди. Учинчи, диплом реал рақобат муҳитида ёрдам бермайди», деган у.

Аввалроқ сиёсатчи ўз постларининг бирида олий маълумот қобилият ва имконият талаб қиладиган, жиддий мажбурият юклайдиган қиммат маҳсулот эканлигини таъкидлаганди.

Алишер Қодировнинг фикрича, мактабни сўнгги синфлари ва мактабни тугатгандан кейин ёшларга рақобатбардош касб-ҳунар ўргатадиган, қисқа, арзон ва самарали тизим яратилишига жиддий эътибор қаратилиши керак.

Аввалроқ «Миллий тикланиш» ДП МК раиси жамиятдаги оталик мавқейи ҳақда жиддий чиқиш қилганди.