Фото: Тошкент шаҳар ИИББ ЙҲХБ

Тошкент шаҳри Шайхонтоҳур туманида ўт ўчириш машинаси ва «Gentra» русумли автомашина иштирокида ЙТҲ содир бўлди. Бу ҳақда пойтахт ИИББ ЙҲХБ ахборот хизмати хабар берди.

Билдирилишича, ҳодиса бугун, 11 июль куни соат 16:30 ларда Шайхонтоҳур тумани Алишер Навоий кўчасида содир бўлган.

Аниқлик киритилишича, Олмазор тумани Муҳокама кўчасидаги 14-уйда ёнғин содир бўлаётгани юзасидан келиб тушган чақирувга асосан мазкур манзил томон ҳаракатланиб кетаётган 27 ёшли М.А. бошқарувидаги ISUZU русумли ёнғин қутқарув махсус транспорт воситаси ҳамда 2001 йилда туғилган С.Ф. бошқарувида бўлган «Gentra»русумли автомашиналар иштирокида йўл транспорт ҳодисаси юз берган.

ЙТҲ оқибатида «Gentra»ҳайдовчисига тез тиббий ёрдам ходимлари томонидан биринчи ёрдам кўрсатилган.

Манбага кўра, ҳозирда мазкур ҳолат юзасидан Тошкент шаҳар ИИББ ЙҲХБ ходимлари томонидан суриштирув ишлари олиб борилмоқда.