«Толибон» тинч аҳолидан қуролларни тортиб олишни бошлаган — ОАВ

16:01 16 Август 2021 Дунё
826 0

Фото: Reuters

Жорий йилнинг 15 август куни Афғонистонда ҳокимиятни қўлга олган «Толибон» ҳаракати тинч аҳолидан қуролларни йиғиштириб олишни бошлаган. Бу ҳақда «Reuters» ахборот агентлиги «Толибон» вакилига таяниб хабар бермоқда.

«Биз одамлар шахсий хавфсизлиги учун қурол сақлашини тушунамиз. Энди улар ўзларини хавфсиз ҳис қилишлари мумкин. Биз, бу ерда бегуноҳ фуқароларга зарар етказиш учун эмасмиз», дейди ҳаракат вакили.

Олдинроқ ҳаракат уруш тугаганига ҳақида баёнот берган эди.

15 августда «Толибон» ҳаракати Афғонистоннинг бутун ҳудудига назорат ўрнатганини эълон қилди. Унинг вакиллари Кобулдаги давлат телевидениясини ўз қўлига олди ва мурожаат билан чиқиб, фуқароларни тинчликни сақлашга чақирди. 

«Толибон» Кобулга кириб келиши билан пойтахт аэропортида вазият мураккаблашди. Минглаб мамлакатни ноқонуний тарк этишга уринмоқда. Тартибни сақлаш учун АҚШ ҳарбийлари ҳавога ўқ уздилар. Отишма ва тиқилинч оқибатида бир неча киши ҳалок бўлган.

Шунингдек, аэропорт барча тижорат рейсларни тўхтатган.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?