Сўнгги тўққиз ойда Ўзбекистон 287,8 млн. долларлик қурилиш материалларини экспорт қилди

18:14 27 Октябр 2021 Иқтисодиёт
1398 0

“Ўзсаноатқурилишматериаллари” уюшмаси матбуот хизмати томонидан берилган маълумотларга кўра, жорий йилнинг тўққиз ойида Ўзбекистондаги тармоқ корхоналари томонидан 287,8 млн. АҚШ долларлик қурилиш материаллари ва хизматлари экспорти амалга оширилди. Бу 2020 йилнинг шу давридагига нисбатан 84 млн. долларга кўпдир.

Аксарият қурилиш материаллари бўйича тармоқда янги қувватлар ишга туширилиши ва модернизация қилиниши, инвестиция лойиҳаларининг амалга оширилиши ҳамда янги корхоналар экспортга жалб қилиниши ҳисобига баъзи турдаги қурилиш материаллари экспорти бир неча баробарга ошган. Мисол учун, 2020 йилга нисбатан керамик плиткалар 2,6 баробар, гулқоғоз 2,2 баробар, табиий пардозбоп тошлар 5,6 баробар, ойна маҳсулотлари 2,6 баробар кўп хориж бозорларига сотилган.

Жорий йилнинг ўтган даврида қурилиш материаллари экспорти географияси анъанавий ҳисобланган бозорлар, яъни Қозоғистон, Тожикистон, Қирғизистон, Туркманистондан ташқари Афғонистон, Россия, Литва, Туркия, Украина, Озарбайжон, Хитой ва Эрон давлатлари ҳисобига кенгайган.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?