Архив сурат

Хитойнинг Шанхай шаҳри маъмурияти "COVID-19" пандемияси бошланганидан бери энг катта локдаунни жорий қилди ва жамоат транспорти ҳамда шаҳар ҳаётини қўллаб-қувватламайдиганларни масофадан ишлашга чақирди. Бу ҳақда "South China Morning Post" нашри ёзмоқда.

Маъмурият маҳаллий аҳолини коронавирус борлигини текшириш учун шаҳарнинг жанубий, шарқий ва ғарбий қисмларини ёпади. 

25 миллионга яқин аҳоли истиқомат қиладиган шаҳар аҳолисига қатъий карантинга риоя қилиш буюрилган. Расмийларнинг бу қарорига "COVID-19" билан касалланган 3,5 та ҳолат сабаб бўлди. Таъкидланишича, вирусни юқтирганларнинг айримларида инфекция аломатлари кузатилмаган.

Маълум қилинишича, локдаун икки босқичда жорий этилади: 28 мартдан 1 апрелгача Хуанпу дарёсининг шарқий ва жанубидаги ҳудудлар карантинга олинади. 1 апрелдан 5 апрелгача унинг ғарбидаги ҳудудлар аҳолиси учун локдаун жорий этилади. Икки ҳудуд ўртасидаги транспорт алоқаси тўхтатилади. Бу даврда шаҳар аҳолиси жамоат транспорти ёки таксидан фойдалана олмайди.