Россияда поезд тўқнашуви оқибатида 14 та вагон рельсдан чиқиб кетди

12:33 23 Октябр 2021 Дунё
492 0

Россиянинг Амур вилоятида юк машинаси ва поезд тўқнашиб кетиши оқибатида 14 та вагон рельсдан чиқиб кетди. Бу ҳақда «РИА Новости» хабар берди.

Йўл транспорт ҳодисаси Транс-Байкал темир йўлининг Муз бекати кесишмасида 23 октябрь куни содир бўлди.

Маълумотларга кўра, юк машинаси ҳайдовчиси яқинлашиб келаётган поезд олдидан тақиқловчи сигнал билан йўлга чиққан. Йўл ҳаракати қоидаларини бузган ҳайдовчи фавқулодда тормозни қўлласада, тўқнашувдан қочиб қутула олмаган.

Ҳодиса оқибатида ҳайдовчи вафот этган, поезднинг локомотиви ва 14 та вагони эса рельсдан чиқиб кетган.

Фавқулодда вазият туфайли Омск - Владивосток йўналишидаги 8-сонли йўловчи поезди кечикаётганлиги маълум қилинди.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?