Ривожланган дунё тушуниши керак, одамлар хотиржамлик эмас, фаровон ҳаёт излаб Европага ошиқмоқдалар — Қодиров қочқинлар ҳақида

11:06 11 Сентябр 2021 Жамият
1165 0

Олий Мажлис Қонунчилик палатаси Спикери ўринбосари, «Миллий тикланиш» демократик партияси фракцияси раҳбари Алишер Қодиров афғонистонлик қочқинлар ҳақида ўз фикрини билдирди:

"Европа Афғонистондаги қочқинларни Ўзбекистон ва Тожикистонга жойлаштириш учун 600 миллион евролик таклиф тайёрлаганини эълон қилди.

Ўзбекистон қочқинларни қабул қилмаслигини маълум қилди.

Европа Сурия қочқинларини ҳудудига киритмаслик учун нималар қилганини бутун дунё кўрди.

Маргарет Тетчер, осуда ҳаётидан кечиб серташвиш раҳбарликка интилишининг сабабини сўраган журналистга: “...атрофимдагилар фаровон бўлмаса хотиржам бўла олмаслигимни англаб етганим учун бош вазир бўлмоқчиман", дея жавоб берган эди.

Ривожланган дунё тушуниши керак, одамлар хотиржамлик эмас, фаровон ҳаёт излаб Европага ошиқмоқдалар. Улар фаровон бўлмагунича ривожланган дунё хотиржам бўла олмайди.

Ривожланмоқчи бўлаётган давлатларга сиёсий, икки хил стандарт, табиат ва қадриятларига зид бўлган шартларсиз ёрдам берилмас экан қочқинларни тўхтатиш учун кўмак пакетлари вазиятни ўзгартирмайди.

Тарих шафқатсиз гувоҳ, ривожланган дунёнинг бугунги тўкинлигида қочқинларнинг аждодлари ёки қашшоқлик билан курашаётган халқларнинг ҳақи кам эмас. Буни тан олиш ва қўлни узатиш вақти келди, жаноблар!"

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?