Rivojlangan dunyo tushunishi kerak, odamlar xotirjamlik emas, farovon hayot izlab Yevropaga oshiqmoqdalar — Qodirov qochqinlar haqida

11:06 11 Sentyabr 2021 Jamiyat
1126 0

Oliy Majlis Qonunchilik palatasi Spikeri oʻrinbosari, “Milliy tiklanish” demokratik partiyasi fraksiyasi rahbari Alisher Qodirov afgʻonistonlik qochqinlar haqida oʻz fikrini bildirdi:

"Yevropa Afgʻonistondagi qochqinlarni Oʻzbekiston va Tojikistonga joylashtirish uchun 600 million yevrolik taklif tayyorlaganini eʼlon qildi.

Oʻzbekiston qochqinlarni qabul qilmasligini maʼlum qildi.

Yevropa Suriya qochqinlarini hududiga kiritmaslik uchun nimalar qilganini butun dunyo koʻrdi.

Margaret Tetcher, osuda hayotidan kechib sertashvish rahbarlikka intilishining sababini soʻragan jurnalistga: “...atrofimdagilar farovon boʻlmasa xotirjam boʻla olmasligimni anglab yetganim uchun bosh vazir boʻlmoqchiman", deya javob bergan edi.

Rivojlangan dunyo tushunishi kerak, odamlar xotirjamlik emas, farovon hayot izlab Yevropaga oshiqmoqdalar. Ular farovon boʻlmagunicha rivojlangan dunyo xotirjam boʻla olmaydi.

Rivojlanmoqchi boʻlayotgan davlatlarga siyosiy, ikki xil standart, tabiat va qadriyatlariga zid boʻlgan shartlarsiz yordam berilmas ekan qochqinlarni toʻxtatish uchun koʻmak paketlari vaziyatni oʻzgartirmaydi.

Tarix shafqatsiz guvoh, rivojlangan dunyoning bugungi toʻkinligida qochqinlarning ajdodlari yoki qashshoqlik bilan kurashayotgan xalqlarning haqi kam emas. Buni tan olish va qoʻlni uzatish vaqti keldi, janoblar!"

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?