Пандемия туфайли кредит билан боғлиқ низолар сони ортган

11:58 12 Ноябрь 2021 Жамият
2007 0

Фото: "Халқ сўзи"

Андижон вилоятида судлар фаолияти таҳлили шуни кўрсатмоқдаки, кредит қарздорлигини ундириш билан боғлиқ низолар жорий йилнинг шу даврига қадар ўтган йилларга нисбатан 6 минг 315 тага ортган. Кўриб чиқилган 6 минг 265 та ишлар натижасида 228 млрд. 666 млн. 450 минг сўмдан зиёд кредит қарздорлиги, 11 млрд. 302 млн. 421 минг 328 сўмлик давлат божи ундирилган.

-Ушбу йўналишдаги кўрсаткичларнинг кескин ортишига республикамизда ҳукм сурган пандемия давридаги карантин ҳолати ҳам сабаб бўлди, - дейди Андижон вилоят суди раисининг ўринбосари, иқтисодий ишлар бўйича  судлов ҳайъатининг раиси Шоядбек Мирзаев.-Бу даврда  истеъмолчилардан кредит маблағлари ундирилиши вақтинча тўхтатилган. Бироқ бу қарздорликни  сўндиришга сабаб бўлолмайди.

Бугунги кунга келиб суд идоралари фуқароларнинг ҳуқуқий билим ва маданиятини мустаҳкамлашга салмоқли ҳисса қўшаётган тузилмалардан бирига айланмоқда. Ишларнинг деярли тенг ярми сайёр суд шаклида бевосита халқ орасида кўриб чиқилаётгани бунда муҳим ўрин тутмоқда. Қолаверса, манзилларда ҳуқуқий тарғибот ва тушунтириш ишлари изчил йўлга қўйилмоқдаки, бу аҳоли ўртасидаги қонунбузилиш ҳолатларининг олди олишга хизмат қилади.

 

Саминжон ҲУСАНОВ, “Халқ сўзи”

 

 

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?