Ўзбекистондан Москвага учган 6 та рейс Москва шаҳри ҳаво ҳудудининг ёпилиши муносабати билан захира аэропортларига йўналтирилган.

«Uzbekistan Airways» авиакомпанияси ахборот хизмати маълумотларига кўра, Ўзбекистондан Москвага учган қуйидаги рейслар захира аэропортларига йўналтирилган:

• HY9619 — Наманган – Москва (Внуково): Уфа шаҳридаги захира аэропортида
• HY9671 — Тошкент – Нижний Новгород: Уфа шаҳридаги захира аэропортида
• HY613 — Тошкент – Москва (Внуково): Санкт-Петербург шаҳридаги захира аэропортида
• HY9627 — Фарғона – Москва (Внуково): Санкт-Петербург шаҳридаги захира аэропортида
• HY601 — Тошкент – Москва (Домодедово): Санкт-Петербург шаҳридаги захира аэропортида
• HY605 — Самарқанд – Москва (Внуково): Санкт-Петербург шаҳридаги захира аэропортида.

«Centrum Air»нинг Тошкент—Москва йўналиши бўйича MFX403 рейси аввал Уфа, кейин эса Санкт Петербургга қўнишга мажбур бўлган. Шунингдек, Тошкент – ​​Нячанг йўналиши бўйича учган MFX5537 рейси Покистон ҳаво ҳудудининг ёпилиши муносабати билан учиш аэропортига қайтган. Кейинги парвоз Тошкент вақти билан 12:00 га белгиланган. Авиакомпания бошқа рейслар ҳам кечикиши мумкинлиги ҳақида огоҳлантирган.