Oʻzbekistondan Moskvaga uchgan 6 ta reys Moskva shahri havo hududining yopilishi munosabati bilan zaxira aeroportlariga yoʻnaltirilgan.

“Uzbekistan Airways” aviakompaniyasi axborot xizmati maʼlumotlariga koʻra, Oʻzbekistondan Moskvaga uchgan quyidagi reyslar zaxira aeroportlariga yoʻnaltirilgan:

• HY9619 — Namangan – Moskva (Vnukovo): Ufa shahridagi zaxira aeroportida
• HY9671 — Toshkent – Nijniy Novgorod: Ufa shahridagi zaxira aeroportida
• HY613 — Toshkent – Moskva (Vnukovo): Sankt-Peterburg shahridagi zaxira aeroportida
• HY9627 — Fargʻona – Moskva (Vnukovo): Sankt-Peterburg shahridagi zaxira aeroportida
• HY601 — Toshkent – Moskva (Domodedovo): Sankt-Peterburg shahridagi zaxira aeroportida
• HY605 — Samarqand – Moskva (Vnukovo): Sankt-Peterburg shahridagi zaxira aeroportida.

“Centrum Air”ning Toshkent—Moskva yoʻnalishi boʻyicha MFX403 reysi avval Ufa, keyin esa Sankt Peterburgga qoʻnishga majbur boʻlgan. Shuningdek, Toshkent – ​​Nyachang yoʻnalishi boʻyicha uchgan MFX5537 reysi Pokiston havo hududining yopilishi munosabati bilan uchish aeroportiga qaytgan. Keyingi parvoz Toshkent vaqti bilan 12:00 ga belgilangan. Aviakompaniya boshqa reyslar ham kechikishi mumkinligi haqida ogohlantirgan.