«Муаммоларни ҳал этиш, юрак-қон томир касалликларини барвақт аниқлаш, уларни олдини олиш ва даволаш бўйича дастур ишлаб чиқилиб, мутлақо янги тизим жорий қилинади» — Президент

17:00 09 Ноябрь 2021 Сиёсат
289 0

Фото: Президент матбуот хизмати

Давлатимиз раҳбари видеоселектор йиғилишида тизимдаги муаммоларни ҳал этиш бўйича янги механизм яратилиши ҳақида тўхталиб ўтди:

— Юқорида кўрсатилган муаммоларни ҳал этиш, юрак-қон томир касалликларини барвақт аниқлаш, уларни олдини олиш ва даволаш бўйича дастур ишлаб чиқилиб, мутлақо янги тизим жорий қилинади.

Хусусан, қуйидаги чоралар кўрилади:

— келгуси йилдан 40 ёшдан ошган барча аҳоли (10 миллион нафар) оилавий поликлиника ва тиббий бригадалар орқали йилига камида бир марта манзилли скринингдан ўтказилади;

— туман лабораториялари коагулометр ва зарур реактивлар билан таъминланади;

— юрак-қон томир касалликлар аниқланган аҳолининг ягона электрон реестри юритилади;

— юрак-қон томир касалликлари учун эналаприл каби дорилар доимий равишда 200 мингдан зиёд эҳтиёжманд аҳолига бепул тарқатилади;

— туманлардаги ҳар бир маҳаллада «гипертония саломатлик мактаблари»ни ташкил этилади;

— оилавий шифокор пунктлари ва поликлиникаларда ҳамшираларнинг вазифалари ҳам қайта кўриб чиқилиб, уларнинг функциялари кенгайтирилади.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?