Ўзбекистон Президентининг 2023 йил 20-21 февраль кунилари Мисрга буюрган расмий ташрифи давомида эришилган келишувлар ҳамда мамлакатимиз раҳбарининг гепатит “С” касаллигини 100 фоиз давлат ҳисобидан даволаш бўйича ташаббуси ижроси доирасида Миср Соғлиқни сақлаш вазирлиги билан олиб борилган музокаралар натижаси ўлароқ, Ўзбекистонга инсонпарварлик ёрдам сифатида ажратилаётган гепатит “С” вируси қарши “Даклатасвир” дори воситаларининг навбатдаги туркуми юборилиши юзасидан келишувга эришилди, деб хабар қилмоқда «Дунё» АА мухбири.

Жорий йил 23 сентябрь куни «Uzbekistan Airways» авиакомпанияси Миср ҳукумати томонидан мамлакатимизга инсонпарварлик ёрдам сифатида ажратилган 6240 дона “Sofosbuvir-400mg” дори воситасининг ўн бешинчи туркумини Шарм аш-Шайхдан Тошкентга етказиб берди. Ушбу дори воситалари Ўзбекистон Соғлиқни сақлаш вазирлиги ҳузуридаги Вирусология илмий-текшириш институти томонидан шифоталаб беморлар ўртасида тақсимланади.

Қайд этиш жоизки, Миср гепатит “В” ва “С” вирусларига қарши курашда дунё миқёсида сезиларли муваффақиятларга эришган. Миср Соғлиқни сақлаш вазирлиги маълумотларига кўра, мамлакат аҳолиси ушбу касалликдан бутунлай фориғ этилган бўлиб, Миср олимлари  яратилган махсус диагностика аппаратлари ва орттирилган тажрибани ўзбек мутахассислари билан баҳам кўришга тайёрдир.

Шуни ҳам алоҳида таъкидлаш жоизки, фақат аҳолини оммавий скрининг қилиш ва тезкорликда олиб бориладиган саъй-ҳаракатлар билангина гепатитга чек қўйиши мумкин.

Миср соғлиқни сақлаш вазири жорий йил февраль ойида Қоҳирага олий даражадаги ташриф доирасида Ўзбекистон ССВ билан имзоланган Ҳамкорлик меморандуми ижроси ва ўзаро манфаатли лойиҳаларни амалга ошириш истиқболларини муҳокама қилиш, шунингдек, “С” гепатитига қарши курашда ўзаро ҳамкорликни янада кенгайтириш учун амалий сафар билан Тошкентга келишга тайёр эканлигини билдирди.