Хитой АҚШ президенти Жо Байденнинг Тайванни ҳимоя қилиш ҳақидаги гапларига кескин норозилик билдирди

18:20 19 Сентябр 2022 Дунё
813 0

Иллюстратив фото

АҚШ Хитойнинг ўз суверенитетини ҳимоя қилишдаги қатъиятини паст баҳолашни бас қилиши керак. Хитой Ташқи ишлар вазирлиги президент Жо Байденнинг Тайванга ёрдам бериш нияти ҳақидаги сўзлари учун АҚШга норозилик билдирди.

«АҚШ Хитойнинг ўз суверенитетини ҳимоя қилишдаги қатъиятини паст баҳолашни бас қилиши керак». Хитой ташқи ишлар вазирлиги АҚШ президенти Жо Байденнинг Пекин бостириб кирган тақдирда Тайванни ҳимоя қилишга тайёрлиги ҳақидаги сўзларига шундай муносабат билдирди.

Хитой Ташқи ишлар вазирлиги матбуот котиби Мао Нингнинг айтишича, Вашингтон томонидан хатти-ҳаракатлари бўлса, Хитой чора кўриш ҳуқуқини ўзида сақлаб қолади. Пекин ҳам Америка етакчисининг сўзларидан норозилигини билдирди ва аллақачон Америка томонига маълум қилди.

«Америка томонининг баёнотлари «Ягона Хитой» тамойили ва учта қўшма Хитой — АҚШ коммуникелари қоидаларини қўпол равишда бузади. Хусусан, АҚШнинг Тайван мустақиллигини қўллаб-қувватламаслик ҳақидаги муҳим мажбуриятини жиддий равишда бузади», деЙди дипломат.

Маонинг таъкидлашича, дунёда фақат битта Хитой бор ва Тайван унинг бир қисмидир, Хитой Халқ Республикаси ҳукумати Хитойнинг ягона қонуний ҳукумати ҳисобланади. 

«Ватанни тўлиқ бирлаштиришни амалга ошириш Хитойнинг барча ўғил-қизларининг умумий интилиши ва муқаддас бурчидир», дея хулоса қилади Хитой ТИВ вакили.

Аввалроқ АҚШ президенти Жо Байден, агар Хитой оролга бостириб кирса, Қўшма Штатлар Тайванни ҳимоя қилиш ниятида эканини айтган эди. У бу ҳақда CBS телеканалига берган интервьюсида маълум қилган. Шу билан бирга, Америка раҳбари ҳамкорликка қарамай, Вашингтон Тайванни Хитойдан мустақилликка эришишга ундамаётганини таъкидлади.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?

Кўп ўқилганлар

Янгиликлар тақвими

Кластер