Xitoy AQSH prezidenti Jo Baydenning Tayvanni himoya qilish haqidagi gaplariga keskin norozilik bildirdi

18:20 19 Sentyabr 2022 Dunyo
848 0

Illyustrativ foto

AQSH Xitoyning oʻz suverenitetini himoya qilishdagi qatʼiyatini past baholashni bas qilishi kerak. Xitoy Tashqi ishlar vazirligi prezident Jo Baydenning Tayvanga yordam berish niyati haqidagi soʻzlari uchun AQSHga norozilik bildirdi.

“AQSH Xitoyning oʻz suverenitetini himoya qilishdagi qatʼiyatini past baholashni bas qilishi kerak”. Xitoy tashqi ishlar vazirligi AQSH prezidenti Jo Baydenning Pekin bostirib kirgan taqdirda Tayvanni himoya qilishga tayyorligi haqidagi soʻzlariga shunday munosabat bildirdi.

Xitoy Tashqi ishlar vazirligi matbuot kotibi Mao Ningning aytishicha, Vashington tomonidan xatti-harakatlari boʻlsa, Xitoy chora koʻrish huquqini oʻzida saqlab qoladi. Pekin ham Amerika yetakchisining soʻzlaridan noroziligini bildirdi va allaqachon Amerika tomoniga maʼlum qildi.

“Amerika tomonining bayonotlari «Yagona Xitoy” tamoyili va uchta qoʻshma Xitoy — AQSH kommunikelari qoidalarini qoʻpol ravishda buzadi. Xususan, AQSHning Tayvan mustaqilligini qoʻllab-quvvatlamaslik haqidagi muhim majburiyatini jiddiy ravishda buzadi», deYdi diplomat.

Maoning taʼkidlashicha, dunyoda faqat bitta Xitoy bor va Tayvan uning bir qismidir, Xitoy Xalq Respublikasi hukumati Xitoyning yagona qonuniy hukumati hisoblanadi. 

“Vatanni toʻliq birlashtirishni amalga oshirish Xitoyning barcha oʻgʻil-qizlarining umumiy intilishi va muqaddas burchidir”, deya xulosa qiladi Xitoy TIV vakili.

Avvalroq AQSH prezidenti Jo Bayden, agar Xitoy orolga bostirib kirsa, Qoʻshma Shtatlar Tayvanni himoya qilish niyatida ekanini aytgan edi. U bu haqda CBS telekanaliga bergan intervyusida maʼlum qilgan. Shu bilan birga, Amerika rahbari hamkorlikka qaramay, Vashington Tayvanni Xitoydan mustaqillikka erishishga undamayotganini taʼkidladi.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?