21 декабрь куни Саудия Арабистонининг пойтахти Ар-Риёдда «Тайсон Фьюри – Александр Усик 2» бокс оқшоми доирасида бўлиб ўтадиган барча жанглар маълум бўлди. Гап шундаки, ушбу жанг кечасининг иккинчи асосий жанги айнан ҳамюртимиз иштирокида бўлиб ўтади. Бу ҳақда «Matchroomboxing» хабар берди.

Маълум қилинишича, ушбу бокс кечасидан 6 та асосий жанг ўрин олган бўлиб, ҳамюртимиз анча кучли рақибга қарши рингга кўтарилади.

Ушбу кечада қуйидаги жанглар бўлиб ўтади:

6) Исаак Лоу (25-2-3, 8 КО) — Ли Макгрегор (14-1-1, 11 КО)

5) Дэннис Маккенн (16-0-1, 8 КО) — Питер Макгрейл (10-1, 6 КО)

4) Жонни Фишер (12-0, 11 КО) — Девид Аллен (23-6-2, 18 КО)

3) Мосес Итаума (10-0, 8 КО) — Демси Маккин (22-1, 14 КО)

2) Сергей Богачук (24-2, 23 КО) — Исроил Мадримов (10-1-1, 7 КО)

1) Тайсон Фьюри (34-1-1, 24 КО) — Олександр Усик (22-0, 14 КО).

Ҳамюртимиз ўзининг сўнгги жангини Теренс Кроуфордга қарши 4 август куни Лос-Анжелесда ўтказган ва рақибига 115-113, 115-113, 116-112 ҳисобида имкониятни бой берган эди.

Шунингдек, украиналик 29 ёшли Сергей Богачук (24-2-0) эса ўзининг охирги жангини Вержил Ортисга қарши ўтказиб, имкониятни бой берганди.

Аввалроқ, илк бор республикамизнинг 3 та олий таълим муассасаси «THE»нинг рўйхатидан жой олганди.