АҚШ ва Британия Сурия муваққат президенти Ахмад аш-Шаръани «қора рўйхат»дан чиқарди
Америка Қўшма Штатлари Сурия муваққат президенти Ахмад аш-Шаръани террорчилар рўйхатидан чиқарди. Бу ҳақида АҚШ давлат департаментининг расмий сайтида маълум қилинди.
Унда айтилишича, АҚШ президент Ахмад аш-Шаръа бошчилигидаги Суриянинг янги ҳукумати томонидан кўрилган ижобий ҳаракатларни эътироф этиб, уни террорчилар рўйхатидан чиқарган.
«Ушбу қарор Президент Дональд Трампнинг барқарор, бирлашган ва тинч Сурия ҳақидаги тасаввурини амалга оширишдаги муҳим қадамдир», — дейилади департамент хабарида.
Бундан ташқари, Буюк Британия ҳам Сурия муваққат президенти Ахмад аш-Шаръани «қора рўйхат»дан чиқарди.
Буюк Британия ҳукумати ушбу қарорни президент Ахмад аш-Шаръа бошчилигидаги кучлар Асад режимини ағдаргандан кейин содир бўлган ижобий ва муҳим воқеаларга жавоб сифатида изоҳлаган.
Маълумотларга кўра, Буюк Британия Молия вазирлиги Сурия президенти Ахмад аш-Шаръа ҳамда Ички ишлар вазири Анас Ҳасан Хаттоб санкциялар рўйхатидан чиқарилганини ва энди уларнинг активлари музлатиб қўйилмаслигини таъкидлаган.
Тавсия этамиз
Кўп ўқилганлар
- АҚШ Россияга босим ўтказишнинг муқобил усулларини ўрганмоқда
- Трамп Корея яриморолидаги можарога якун ясашга ваъда берди
- Ҳиндистонда «Монтта» циклони сабабли қарийб 90 минг киши эвакуация қилинди
- АҚШ ва Британия Сурия муваққат президенти Ахмад аш-Шаръани «қора рўйхат»дан чиқарди
- G20 саммитининг Жанубий Африкада ўтказилиши шармандали ҳолат – Трамп
- Исроил зарбалари оқибатида Ғазода 90 дан ортиқ киши ҳалок бўлди
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг