Данияда нашадан тиббий мақсадларда фойдаланишга рухсат берилди
Шифокорларга тиббий наша ёзишга рухсат берувчи вақтинчалик қонун доимийга ўзгартирилмоқда.
Тиббий наша навлари полиция кириши мумкин бўлган иссиқхоналарда етиштирилади. Қонун ҳар бир ўсимлик, қайта ишланган маҳсулот партияси, қадоқланган маҳсулот бирлиги ва наша асосидаги доривор маҳсулотнинг ўрами ноёб электрон идентификатор билан белгиланишини назарда тутади.
Шифокорлар тиббий нашадан 2018 йилдан буён бошқа дори воситалари ўрнини боса олмаётганлиги туфайли фойдаланиб келишган. У кучли оғриқ билан боғлиқ беморларга истеъмол учун рухсат берилган. Гап кенг ёйилган склероз, орқа мия жароҳати, саратон ёки сурункали оғриқли беморлар ҳақида кетмоқда.
“Кўпчилик тиббий наша истеъмолидан кейин аҳволи яхшиланганини ҳис қилади, оғриқ ёки кўнгил айниши анча камаяди”, — деб тушунтирди Ички ишлар ва соғлиқни сақлаш вазирлиги раҳбари Софи Леёде.
Шунга қарамасдан баъзи шифокорлар бу қонунни танқид қилишган. Уларнинг сўзларига қараганда, беморлар препаратнинг оқибатлари ва ножўя таъсирлари ҳақида етарли маълумот ололмайдилар.
Тавсия этамиз
Кўп ўқилганлар
- Эҳтиёжманд оилаларга электр ва газ бўйича компенсация берилади
- Танзила Нарбаева Парламентлараро иттифоқнинг 150-юбилей ассамблеяси Президенти этиб сайланди
- Ўзбекистонда доимий аҳоли сони ҳар куни неча кишига ошяпти?
- Айрим оилаларга бир марталик моддий ёрдам берилади
- Шаҳрам Ғиёсов тажрибали рақибини муддатдан олдин мағлуб этди
- Самарқанд яна бир нуфузли форумга мезбонлик қилади
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг