Америка Қўшма Штатлари ҳукуматининг COVID-19 пандемиясига қарши курашиш бўйича кенг қамровли глобал чора-тадбирлари доирасида АҚШ Халқаро тараққиёт агентлиги (USAID) Ўзбекистонга қўшимча 2,5 миллион доллар ажратди. Шу тариқа, АҚШ ҳукуматининг Ўзбекистоннинг COVID-19га қарши курашдаги саъй-ҳаракатларини қўллаб-қувватлашга тўғридан-тўғри қўшган умумий ҳиссаси 16 миллион доллардан ошди.

USAIDнинг Ўзбекистондаги миссияси директори Микаэла Мередит Ўзбекистонда пандемия ҳали тугамаганини, вирус бутун мамлакат бўйлаб тарқалишда давом этаётганини ва янги вариантлар глобал миқёсда доимий хавф туғдиришини, пандемияга барҳам бериш глобал иқтисодиётни тиклаш учун ҳам жуда муҳим эканлигини айтди. Шунингдек, – «Вакциналар бунда асосий ечим бўлиб, Байден маъмурияти бу ҳаракатга содиқлигини яқинда Қўшма Штатларнинг бутун дунё бўйлаб 200 миллион дозадан ортиқ COVID-19 вакцинасини хайрия қилганини эълон қилиши орқали намоён этди», – дея қўшимча қилди у.

Пандемия бошланганидан бери USAID Ўзбекистон ҳукумати билан бир қатор йўналишларда кенг кўламли ҳамкорлик қилиб келади.