Афғонистонда «Толибон» ва жиноий тўда ўртасидаги тўқнашувда 17 киши ҳалок бўлди

11:08 25 Октябр 2021 Дунё
632 0

Афғонистоннинг Ҳирот вилоятида «Толибон» ва қуролли шахслар ўртасидаги тўқнашувда камида 17 киши ҳалок бўлди, дея хабар бермоқда РИА Новости.

«Ҳирот вилоятидаги касалхонага етти нафар бола, уч аёл ва етти эркак, жами 17 кишининг жасади олиб келинган. Уларнинг барчаси ўқотар қуроллар жароҳатидан вафот этган», дейилади хабарда.

Афғонистон Ички ишлар вазирлиги матбуот котиби Қори Саид Хостининг айтишича, «Толибон» махсус кучлари Ҳиротда одам ўғирлаш билан шуғулиб келган жиноий тўдага қарши амалиёт ўтказган.

«Толибон» кучлари жиноятчилар жойлашган уйни ўраб олган, натижада отишма содир бўлган. Хостининг сўзларига кўра, махсус кучлар уч нафар жиноятчини йўқ қилишга муваффақ бўлган.

Ҳирот полицияси маълумотига кўра, тўқнашув якшанба куни тушда бошланган ва тахминан икки соат давом этган.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?