Afgʻonistonda “Tolibon” va jinoiy toʻda oʻrtasidagi toʻqnashuvda 17 kishi halok boʻldi

11:08 25 Oktyabr 2021 Dunyo
631 0

Afgʻonistonning Hirot viloyatida “Tolibon” va qurolli shaxslar oʻrtasidagi toʻqnashuvda kamida 17 kishi halok boʻldi, deya xabar bermoqda RIA Novosti.

“Hirot viloyatidagi kasalxonaga yetti nafar bola, uch ayol va yetti erkak, jami 17 kishining jasadi olib kelingan. Ularning barchasi oʻqotar qurollar jarohatidan vafot etgan”, deyiladi xabarda.

Afgʻoniston Ichki ishlar vazirligi matbuot kotibi Qori Said Xostining aytishicha, “Tolibon” maxsus kuchlari Hirotda odam oʻgʻirlash bilan shugʻulib kelgan jinoiy toʻdaga qarshi amaliyot oʻtkazgan.

“Tolibon” kuchlari jinoyatchilar joylashgan uyni oʻrab olgan, natijada otishma sodir boʻlgan. Xostining soʻzlariga koʻra, maxsus kuchlar uch nafar jinoyatchini yoʻq qilishga muvaffaq boʻlgan.

Hirot politsiyasi maʼlumotiga koʻra, toʻqnashuv yakshanba kuni tushda boshlangan va taxminan ikki soat davom etgan.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?