Fransiya poytaxtida oʻtkazilayotgan yozgi Olimpiada oʻyinlarida oʻzbek sportchilari oʻz yurishlarini davom ettirmoqda.

Taekvondo boʻyicha Oʻzbekiston terma jamoasi aʼzosi Jasur Jaysunov “Parij-2024” yozgi Olimpiadasidagi ishtirokini boshlab oldi.

Taekvondo boʻyicha Oʻzbekiston terma jamoasi aʼzosi Jasur Jaysunov yozgi Olimpiya oʻyinlaridagi dastlabki jangini eronlik nomdor sportchi, Mehran Barhordoriga qarshi oʻtkazdi.

Murosasiz bahs olib borgan Jaysunov 1:2 hisobida imkoniyatni boy berdi. Endi Barhordori finalga yetib borgan taqdirda Jaysunov bronza medali uchun kurashish imkoniyatiga ega boʻladi.

Maʼlumot uchun aytish mumkinki, Jasurbek Jaysunov 2002-yil 19-aprelda tavallud topgan. U 2022-yilgi Osiyo oʻyinlarining bronza medali sohibi boʻlgan va 2024-yilgi Olimpiya oʻyinlariga yoʻllanma olgan.

Avvalroq, Ulugʻbek Rashitov va Hasanboy Doʻsmatovlar ikki karradan Olimpiada oltin medal sohiblari boʻlgan edi.