“Real Madrid” soʻnggi anʼanaviy UYEFA Superkubogida Italiyaning “Atalanta” klubi ustidan ishonchli gʻalaba qozondi.

Birinchi boʻlimda zerikarli oʻyin boʻlgan boʻlsa-da, ikkinchi boʻlim “Real”ning ustunligida davom etdi. 59-daqiqada ajoyib “solo” yurishidan soʻng Vinisius Juniorning uzatmasini Valverde golga aylantirdi. 68-daqiqada esa “qaymoqranglilar” safida debyutini oʻtkazgan Kilian Mbappe dastlabki golini urdi.

Qolgan daqiqalarda darvozalar ishgʻol etilmadi va “Real” UYEFA Superkubogi sohibiga aylandi.

UYEFA Superkubogi

14-avgust, chorshanba

“Real” Ispaniya – “Atalanta” Italiya 2:0

Gollar: 1:0 – 59 Valverde, 2:0 – 68 Mbappe.

“Real Madrid”: Kurtua, Mendi, Ryudiger, Militao, Karvaxal (Vaskes, 88), Bellingem (Sebalyos, 88), Tchuameni, Valverde, Vinisius Junior (Arda, 88), Mbappe (Braim Dias, 83), Rodrigo (Modrich, 76).

“Atalanta”: Musso, Kolashinas (Bakker, 71), Xin, Jimshiti, Pashalich, Rujeri, Zappakosta (Godfri, 63), Ederson, de Ron, de Ketelare (Retegi, 63), Lukman.

Ogohlantirishlar: Ederson (9), Bellingem (35), Vinisius Junior (42), Jimshiti (64).