Foto: Goal.com

“Manchester Siti” yarim himoyachisi Rodri Vinisius Junior haqida qoʻshiq aytganini inkor qilmadi. U oʻsha nishonlashni shaxsiy yopiq bayram boʻlgani va bu normal narsa ekanini aytgan. Bu haqda “Goal” yozmoqda.

Qayd etish kerakki, ispaniyalik yarim himoyachi ushbu qoʻshiqni aytganini inkor qilmagan va bu feyk emasligi suhbatdan ayon boʻladi. Shu tariqa hammaga “odobli” boʻlib tanilgan Rodri hamkasbiga nisbatan haqoratli qoʻshiq kuylagani rost boʻlib chiqadi.

Shuningdek, u “Real Madrid” yulduzi haqida yana bir qancha keskin fikr bildirib, uni “Ballon Dʻor” mukofoti uchun hatto ikkinchi oʻringa ham loyiq koʻrmasligini bildirgan. Rodri mukofotlash marosimida yarim zalning “Vinisius! Vinisius!” deya hayqirganini eslatib, bu holatni ajablanarli ekanligini aytgan.

Mukofotlash marosimida “Real Madrid” vakillari yoʻqligi Rodri uchun ahamiyatsiz boʻlganini bildirdi. U marosimda oʻz oilasi bilan birga boʻlib, ushbu tarixiy lahzadan zavqlangani “qistirib” oʻtgan.

Avvalroq, Nodirbek Abdusattorov yana Magnus Karlsenga qarshi dona surishi maʼlum boʻlgandi.