Raqobat qoʻmitasi «Korzinka»ga jazo belgiladi
![](https://xs.uz/upload/post/2024/07/17/469707789ccf87059a7a55e8322fe9900717.jpg)
Foto: korzinka.uz
Oʻzbekiston Respublikasi Raqobatni rivojlantirish va isteʼmolchilar huquqlarini himoya qilish qoʻmitasi «Korzinka» supermarketlar tarmogʻi («Anglesey Food» MCHJ XK) tomonidan joylashtirilgan reklama boʻyicha oʻrganish ishlari olib borilayotganligini maʼlum qilgan edi.
Qoʻmita matbuot xizmatning maʼlum qilishicha, isteʼmolchilarning huquqlarini himoya qilish va reklama toʻgʻrisidagi qonunchilik hujjatlari buzilishi yuzasidan ishlarni koʻrib chiqish boʻyicha Maxsus komissiya tomonidan qoʻzgʻatilgan ishda «Korzinka» supermarketlar tarmogʻi brendi ostida faoliyat koʻrsatuvchi «Anglesey Food» MCHJ XK aybdor deb topildi.
Shunga koʻra, kompaniyaga nisbatan belgilangan tartibda moliyaviy jarima qoʻllanildi, shuningdek, unga ushbu reklama boʻyicha qonun buzilishiga yoʻl qoʻyilgan holatlarni bir oylik muddatda bartaraf etish yuzasidan bajarilishi majburiy boʻlgan koʻrsatma berildi.
«Shuni alohida taʼkidlab oʻtgan boʻlar edikki, Raqobat qoʻmitasi barcha tadbirkorlik subyekti vakillarini mamlakat iqtisodiyoti va aholining bandligini taʼminlashdagi hissalarini qadrlagan holda, mamlakatimizda mavjud amaldagi qonunchilik hujjatlariga asosan qonuniy faoliyat olib borishlarini va jamiyatimizda demokratik qonuniy muhit shakllanishiga oʻz hissalarini qoʻshishlarini soʻrab qolamiz», deyiladi xabarda.
«Korzinka» esa oʻz ijtimoiy tarmoqlarida «Eng arzon narx» dasturi endi Buxoro va Navoiy viloyatlarida ham amal qilishini bildirib oʻtgan. Hozircha kompaniya belgilangan jazoga munosabat bildirmadi.
Tavsiya etamiz
Ko‘p o‘qilganlar
- Dam olish kunlari harorat +27 darajagacha pasayadi
- “Barselona”ga kelgan Dani Olmo klubni qiyin ahvolga solib qoʻydi
- Bir oylik harbiy xizmat toʻlovi miqdori oshiriladi
- Mbappe “Real” uchun gol urgan oʻyinda UYEFA Superkubogiga ega chiqdi
- “Andijon” klubi futbolchisi Milliy gvardiya xodimini urib, jarohat yetkazdi
- YHXB: Tartibga solinmagan oʻtish joyidan oʻtayotgan piyodalardan qoʻllarini baland koʻtarishni soʻraymiz
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring