Qurbon hayiti bayrami munosabati bilan qoʻshimcha mahalliy poyezd qatnovlari yoʻlga qoʻyiladi. Bu haqda Transport vazirligi matbuot xizmati xabar berdi.

Qayd etilishicha, 15, 16, 17-iyun kunlari Samarqand — Toshkent — Samarqand yoʻnalishida «Afrosiyob» elektropoyezdining qoʻshimcha harakati yoʻlga qoʻyildi. Poyezd quyidagi jadval asosida harakatlanadi:

775-sonli Samarqand — Toshkent yoʻnalishi: Samarqand 11:11 — Toshkent 13:26;

776-sonli Toshkent — Samarqand yoʻnalishi: Toshkent 13:51 — Samarqand 16:05.

Shuningdek, 14-iyundan 20-iyunga qadar quyidagi yoʻnalishlarda 4 tadan 6 tagacha qoʻshimcha vagonlar ulanib, poyezdlar tarkibidagi vagonlar soni 16 tadan 22 tagacha oshiriladi:

Toshkent — Xiva — Toshkent;

Toshkent — Qoʻngʻirot — Toshkent;

Toshkent — Shovot — Toshkent;

Toshkent — Termiz — Toshkent;

Avvalroq,Qurbon hayiti munosabati bilan qoʻshimcha mahalliy aviaqatnovlar yoʻlga qoʻyilishi haqida xabar bergan edik.