Mutaxassislar simsiz zaryadlovchi qurilmalarning ijobiy va salbiy jihatlarini maʼlum qildi
![](https://xs.uz/upload/post/2024/07/07/547cd014634f8e9296e1228a766b6e340707.jpg)
Simsiz zaryadlovchi qurilmalar tobora ommalashib bormoqda. Bu kabi qurilmalardan, ayniqsa, yoshlar koʻproq foydalanmoqda. Talab yuqoriligi uchun esa bozorda ish stoli va mashinalar uchun turli koʻrinishdagilari taqdim etilmoqda. Shu sababli ham shu kabi qurilmalarning xavfsizligi va samaradorligi Roskachestvo raqamli ekspertiza markazi mutaxassislari tomonidan oʻrganildi.
Markaz rahbari Sergey Kuzmenkoga koʻra, simsiz qurilmalar smartfonni quvvatlantirish jarayonini sezilarli darajada soddalashtiradi. Biroq, qurilmalar kamchiliklardan xoli emas. Xususan, asosiy muammo — past samaradorlik.
Shuningdek mutaxassis, qurilmani ishonchli doʻkondan yuqori sifatlisini sotib olish lozimligini qayd etadi.
“Past sifatli zaryadlovchilardan foydalanish yoki smartfonni haddan tashqari qizib ketishi batareyani sekin-astalik bilan oʻldiradi. Chunki deyarli barcha zamonaviy smartfonlar litiy-ionli batareyalar bilan jihozlangan boʻlib, ular haroratga haddan tashqari sezgir”, deb tushuntiradi mualliflar.
Mutaxassislar batareyaning ishlash muddatini uzaytirish uchun harorat talablariga rioya qilishni tavsiya etadi. Misol uchun piyoda yurgandan soʻng telefonni darhol simsiz qurilmada quvvatlantirishga urinmaslik lozim. Sababi gadjet qizib ketgan boʻlishi mumkin.
Simsiz qurilmalardan foydalanishning kamchiliklaridan biri zaryadlash jarayonining uzoqroq davom etishi bilan bogʻliq. Ushbu qurilma simli bilan solishtirganda zaryadlash uchun 30 foiz koʻproq vaqt talab qiladi. Zaryadlovchi smartfon ishlab chiqaruvchisi talablariga javob bermasa yoki telefon notoʻgʻri joylashtirilgan boʻlsa, zaryadlash tezligi yanada pasayadi.
Mualliflarning qayd etishicha, simsiz zaryadlash samaradorligi koʻp jihatdan qurilma va smartfonning joylashuviga bogʻliq. Ularning oʻzaro taʼsir doirasi qanchalik katta boʻlsa, smartfon tezroq zaryadlanadi.
Tavsiya etamiz
Ko‘p o‘qilganlar
- Dam olish kunlari harorat +27 darajagacha pasayadi
- “Barselona”ga kelgan Dani Olmo klubni qiyin ahvolga solib qoʻydi
- Bir oylik harbiy xizmat toʻlovi miqdori oshiriladi
- Mbappe “Real” uchun gol urgan oʻyinda UYEFA Superkubogiga ega chiqdi
- “Andijon” klubi futbolchisi Milliy gvardiya xodimini urib, jarohat yetkazdi
- YHXB: Tartibga solinmagan oʻtish joyidan oʻtayotgan piyodalardan qoʻllarini baland koʻtarishni soʻraymiz
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring