Foto: Qonunchilik palatasining matbuot xizmati

Oliy Majlis Qonunchilik palatasining navbatdagi majlisida “Davlat mulkini boshqarish sohasi takomillashtirilishi munosabati bilan Oʻzbekiston Respublikasining ayrim qonun hujjatlariga oʻzgartirish va qoʻshimchalar kiritish toʻgʻrisida”gi qonun loyihasi ikkinchi oʻqishda koʻrib chiqildi. Bu haqda Qonunchilik palatasining matbuot xizmati xabar berdi.

Qonun loyihasiga koʻra, davlat aktivlarini sotishda xorijiy tajribani hisobga olgan holda hamda mamlakatimizda bozor tamoyillariga asoslangan sogʻlom raqobat muhitini yaratish maqsadida davlat aktivlarini “nol” xarid qiymatida sotish amaliyotidan voz kechilib, elektron ommaviy savdolarga chiqarish tartibi joriy qilinadi.

Shuningdek, xususiylashtirilmaydigan davlat mulkini hamda davlat ishtirokidagi korxona va davlat muassasasini oʻzgartirishi koʻrsatilgan hollarda davlat mulkini garovga berishga yoʻl qoʻyilmaydi. Bunda davlat unitar korxonasi va davlat muassasasini xoʻjalik jamiyatiga oʻzgartirilayotganda baholashni oʻtkazmaslik nazarda tutiladi.

Qayd etish kerakki, qonun loyihasi deputatlar tomonidan uchinchi oʻqishda qabul qilindi.

Avvalroq, kreditorlar kredit majburiyati bajarilmagan-da, yer uchastkalarini boshqa shaxsga oʻtkazib berishi mumkinligi haqida xabar berilgan edi.