Давлат мулкини «нол» қийматда сотиш амалиёти бекор қилинади
Фото: Қонунчилик палатасининг матбуот хизмати
Олий Мажлис Қонунчилик палатасининг навбатдаги мажлисида «Давлат мулкини бошқариш соҳаси такомиллаштирилиши муносабати билан Ўзбекистон Республикасининг айрим қонун ҳужжатларига ўзгартириш ва қўшимчалар киритиш тўғрисида»ги қонун лойиҳаси иккинчи ўқишда кўриб чиқилди. Бу ҳақда Қонунчилик палатасининг матбуот хизмати хабар берди.
Қонун лойиҳасига кўра, давлат активларини сотишда хорижий тажрибани ҳисобга олган ҳолда ҳамда мамлакатимизда бозор тамойилларига асосланган соғлом рақобат муҳитини яратиш мақсадида давлат активларини «нол» харид қийматида сотиш амалиётидан воз кечилиб, электрон оммавий савдоларга чиқариш тартиби жорий қилинади.
Шунингдек, хусусийлаштирилмайдиган давлат мулкини ҳамда давлат иштирокидаги корхона ва давлат муассасасини ўзгартириши кўрсатилган ҳолларда давлат мулкини гаровга беришга йўл қўйилмайди. Бунда давлат унитар корхонаси ва давлат муассасасини хўжалик жамиятига ўзгартирилаётганда баҳолашни ўтказмаслик назарда тутилади.
Қайд этиш керакки, қонун лойиҳаси депутатлар томонидан учинчи ўқишда қабул қилинди.
Тавсия этамиз
Кўп ўқилганлар
- Айрим оилаларга бир марталик моддий ёрдам берилади
- Ўзбекистонда доимий аҳоли сони ҳар куни неча кишига ошяпти?
- Шаҳрам Ғиёсов тажрибали рақибини муддатдан олдин мағлуб этди
- Самарқанд яна бир нуфузли форумга мезбонлик қилади
- Марказий банк шошилинч огоҳлантириш билан чиқди
- «Leapmotor» Ўзбекистонда ўтказилган автомобиль тести натижаларидан норозилигини билдирди
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг