20-dekabr, shanba kuni AQSH xavfsizlik xizmatlari xalqaro suvlarda yana bir neft tankerini toʻxtatdi. Bu qadam AQSHning Venesuela neftiga qarshi olib borayotgan blokadasi davrida sodir boʻldi, deb yozmoqda “The Guardian”

Qayd etilishicha, Panama bayrogʻi ostidagi “Centuries” deb atalgan tanker Barbados sharqidagi Karib dengizida toʻxtatilgan. Manbalarga koʻra, ushbu kema AQSH sanksiyalari roʻyxatida boʻlmagan, bu esa blokada qoʻllanilishi kuchaytirilganini anglatishi mumkin.

Ichki xavfsizlik vaziri Kristi Noyemning soʻzlariga koʻra, AQSH sanksiyalangan neftni noqonuniy tashish bilan shugʻullanuvchi subyektlarni topib, toʻxtatishda davom etadi. Maʼmuriyat shunga ishora qiladiki, Venesuela neftini tashuvchi har qanday kema AQSH blokadasiga tushishi mumkin va sanksiyalangan kemalar roʻyxati kengaytirilmoqda.

Dekabr oyi boshida qoʻlga olingan birinchi tanker sanksiyalangan va Oq uy tomonidan “qora bozordagi neft tashuvchi shadow-kema” deb atalgan. Bu hodisa Venesuela prezidenti Nikolas Maduro armiyaga neft tankerlarini eskort qilishni buyurgan paytga toʻgʻri keladi. Birinchi tanker qoʻlga olingach, Venesuela hukumati bu harakatni “ochiq oʻgʻrilik” va “xalqaro qaroqchilik” deb bayonot qilgandi.

Tramp NBC Newsʼga bergan intervyusida, Maduro rejimi bilan mojaro ehtimoli hanuz ham mavjudligini aytdi. Shu hafta AQSH Venesuelaga bosimni kuchaytirib, mamlakatni AQSH neftini olib qoʻyganlikda aybladi va barqaror investitsiyalarni yoʻqotganini maʼlum qildi. 16-dekabr kuni Tramp barcha sanksiyalangan neft tankerlarini Venesuelaga kirish va chiqishdan toʻliq blokada qilishni buyurdi.

Venesuela xom nefti eksportlari keskin kamaydi. Koʻplab tankerlar sanksiyalangan boʻlsada, baʼzilari, jumladan Chevron kompaniyasi, Venesuela neftini oʻz ruxsatnomasi bilan tashiydi. Xitoy eng yirik xaridor boʻlib, mamlakat importining taxminan 4 foizini tashkil qiladi. Dekabr oyida yetkazib berish kuniga 600 ming barrel atrofida boʻlishi kutilmoqda.

“Shadow fleet” sifatida ataluvchi yashirin tankerlar va sanksiyalangan kemalar orqali neft savdosi davom etmoqda. “Centuries” kemasi Venesuelda 1,8 mln barrel “Merey” neftini Xitoyga yuborish uchun olib ketgan va bu haqda PDVSA ichki hujjatlarida maʼlum qilingan. Venesuela suvlaridan u qisqa muddat armiya eskortida chiqib ketgan. Hozirgi vaqtda Venesuela suvlaridagi 70 dan ortiq “shadow fleet” kemasidan taxminan 38 tasi AQSH moliya vazirligi sanksiyasi ostida, shundan 15 tasiga neft va yoqilgʻi yuklangan.