Foto: Bosh prokuratura huzuridagi Departament

Bosh prokuratura huzuridagi Departament Samarqand viloyatidagi 3 ta savdo doʻkonidan 10 ming 202 dona isteʼmolga yaroqsiz alkogol mahsulotlari borligini aniqladi va ashyoviy dalil sifatida hujjatlashtirib oldi. Bu haqda Departamentning matbuot xizmati xabar berdi.

Maʼlum qilinishicha, Bosh prokuratura huzuridagi Departamentning Samarqand viloyati boshqarmasi, Payariq va Narpay tumani boʻlimlari va IIB xodimlari hamkorligida tezkor reyd oʻtkazilgan.

Qayd etilishicha, unda “M.B.”, “Y.S” va “I.” MCHJlarga qarashli savdo doʻkonlari sotuvchilari xaridorlarga qalbaki aksiz markali alkogol mahsulotlarini sotayotgan vaqtlarida ushlanib, ushbu savdo doʻkonlaridan umumiy bahosi 334 mln soʻmlik turli nomdagi jami 10 ming 202 dona isteʼmolga yaroqsiz alkogol mahsulotlari ashyoviy dalil sifatida olingan.

“Mazkur holatlar yuzasidan Jinoyat kodeksining tegishli moddalari bilan jinoyat ishlari qoʻzgʻatilib, tergov harakatlari oʻtkazilmoqda”, deyiladi xabarda.

Avvalroq, ikki Olimpiada chempionlariga muddatidan oldin podpolkovnik unvonlari berilgandi.