Зайнилобиддин Низомиддинов Бекобод тумани ҳокими этиб тайинланди
Президент администрацияси собиқ раҳбари Зайнилобиддин Низомиддинов Тошкент вилоятининг Бекобод туманига ҳоким бўлди. Бу ҳақда вилоят ҳокимлиги хабар қилди.
Қайд этилишича, бугун, 7 апрель куни Халқ депутатлари Бекобод тумани Кенгашининг навбатдан ташқари сессияси бўлиб ўтган. Унда Тошкент вилояти ҳокими Зоир Мирзаев иштирок этиб, нутқ сўзлаган.
Сессия кун тартибига ташкилий масала ҳам киритилган бўлиб, Бекобод туман ҳокими лавозимида ишлаб келаётган Дўстбеков Шуҳрат Бегимқулович йўл қўйган хато-камчиликлари учун лавозимидан озод этилган.
Шундан сўнг Зойир Мирзаев туман ҳокими лавозимига Низомиддинов Зайнилобиддин Шаҳобиддинович номзодини тавсия қилди. Халқ депутатлари Бекобод тумани Кенгашида Зайнилобиддин Низомиддинов туман ҳокими этиб тасдиқланди.
Маълумот учун, Зайнилобиддин Низомиддинов 2018 йил августидан 2022 йил июлигача Президент администрацияси раҳбари лавозимида ишлаган.
Тавсия этамиз
Кўп ўқилганлар
- Айрим оилаларга бир марталик моддий ёрдам берилади
- Ўзбекистонда доимий аҳоли сони ҳар куни неча кишига ошяпти?
- Шаҳрам Ғиёсов тажрибали рақибини муддатдан олдин мағлуб этди
- Самарқанд яна бир нуфузли форумга мезбонлик қилади
- Марказий банк шошилинч огоҳлантириш билан чиқди
- «Leapmotor» Ўзбекистонда ўтказилган автомобиль тести натижаларидан норозилигини билдирди
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг