Японияда Ўзбекистоннинг сайёҳлик салоҳиятига бағишланган қўлланма чоп этилади
Фото: Иллюстратив сурат
Маданият ва туризм вазирлиги кўмагида Япониянинг етакчи сайёҳлик нашриёти ҳисобланган «Globe-Trotter Travel Guidebook» билан ҳамкорликда Ўзбекистонга бағишланган оммабоп сайёҳлик қўлланмасини янги таҳрирда чоп этиш масаласи ишлаб чиқилди.
Шу ўринда таъкидлаш керакки, Япониядан Ўзбекистонга сайёҳлар оқимини ошириш, Япония ҳудудларида мамлакатимизнинг туризм салоҳиятини кенг тарғиб қилиш мақсадида юртимизнинг Токиодаги элчихонаси томонидан тизимли ишлар амалга оширилмоқда.
Хусусан, Маданият ва туризм вазирлиги кўмагида Япониянинг етакчи саёҳат нашриёти ҳисобланган “Globe-Trotter Travel Guidebook” билан ҳамкорликда Ўзбекистонга бағишланган оммабоп сайёҳлик қўлланмасини янги таҳрирда нашр қилиш масаласи ишлаб чиқилди.
Қўлланма жорий йилнинг 20 апрелидан сотувга чиқарилиб, Япония бўйлаб 30 минг нусхада тарқатилиши режалаштирилган. Нашрда Ўзбекистоннинг қадимий шаҳарлари, улардаги диққатга сазовор жойлари, меҳмонхоналар, ресторанлар, савдо марказлари ва республикага ташриф буюрувчи сайёҳлар учун фойдали бўлган бошқа маълумотлар жой олган.
Сайёҳлик соҳаси мутахассисларининг фикрича, мазкур сайёҳат қўлланмаси Япония фуқароларининг Ўзбекистон, унинг тарихий обидалари ва туристик жозибадорлиги ҳақида хабардорлигини оширади, бу эса, ўз навбатида, Япониядан юртимизга сайёҳлар сонининг кўпайишига хизмат қилади.
Жорий йилнинг 13 апрелидан фаолияти тикланаётган «Uzbekistan Airways»нинг Тошкент ва Токиони боғловчи тўғридан-тўғри авиарейсларида юртимизга ташриф буюрувчи япон сайёҳлари учун қўлланма ажойиб янгилик бўлиши шубҳасиз.
«Globe-Trotter Travel Guidebook» Япониянинг етакчи сайёҳлик нашриёти ҳисобланиб, 1969 йилда ташкил этилган. Компания томонидан ҳар йили япон тилида хорижий мамлакатларга оид саёҳат журналлари, газеталар ва қўлланмалар 8 миллион ададда чоп этилади.
Тавсия этамиз
Кўп ўқилганлар
- G20 саммитининг Жанубий Африкада ўтказилиши шармандали ҳолат – Трамп
- АҚШ ва Британия Сурия муваққат президенти Ахмад аш-Шаръани «қора рўйхат»дан чиқарди
- Ўзбекистон U-17 терма жамоаси Жаҳон чемпионатидаги иккинчи ўйинида мағлуб бўлди
- Ўзбекистон миллий терма жамоасининг халқаро мусобақа учун қайдномаси эълон қилинди
- Ёш ўзбек ёзувчисининг асари Халқаро болалар адабиёти кенгашининг фахрий рўйхатига киритилди
- Туркия суди Нетаньяҳуни Ғазода геноцид содир этганликда айблаб, ҳибсга олиш ордерини маъқуллади
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг