Велоспортчиларимиз Туркиядаги халқаро мусобақада олтин ва бронза медалларини қўлга киритишди
Фото: Миллий олимпия қўмитаси
Туркиядан яна бир хушхабар. Велоспортчилармиз “Grand Prix Mediterranien” мусобақасида иштирок этиб, олтин ва бронза медалларини қўлга киритишди.
Туркия йиғини доирасида навбатдаги мусобақа аёллар ўртасида ташкил этилди. Унда ҳамюртимиз Янина Кускова старт олган 76 спортчилар орасида марра чизиғини биринчи бўлиб кесиб ўтди. Ушбу ғалаба спортчимизга Халқаро велоспортчилар иттифоқидаги (UCI) рейтинг учун 40 очко тақдим қилади. Шунингдек, яна бир ёш умидли вакилимиз Анна Куликова шоҳсупанинг учинчи поғонасидан жой олди. Куликова эса рейтингдаги очколари сонини 25 тага кўпайтириб олмоқда.
Ҳамюртларимизнинг юқори натижаси бу билан якунланмади. Кучли бешликдан жой олган Янинанинг синглиси Анна Кускова рейтинг учун яна 5 очко жамғариб қўйди. Шу тариқа, терма жамоамизнинг UCI рейтингидаги очколари 70 тага етди.
Терма жамоамизнинг Туркиядаги йиғини 22 мартга қадар давом этади. Бундай юқори тайёргарликдан сўнг жамоамизни Тожикистонда ўтадиган шосседаги Осиё чемпионати кутиб турибди.
Тавсия этамиз
Кўп ўқилганлар
- “Лўлилар фақат тиланчими?...” Улар яшаётган маҳалладан фоторепортаж
- Ҳокимлик Тошкентни “юва бошлади“. Хўш, сув сепиш ҳаво ифлосланишини камайтирадими?
- Янгиланаётган Марказий Осиё: бирлик, дўстлик ва ҳамкорликнинг янги босқичи
- «Адабиёт ва ҳаёт»: Султонбой Деҳқоновнинг шахсий фотокўргазмаси очилди (+фоторепортаж)
- Ногиронлиги бўлган фуқароларга 30 млн сўмгача фоизсиз ссуда ажратилади
- Камбағалликни қисқартириш: пул эмас, ақл-идрок ва билим муҳим
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг