Фото: AP

Киев имкон қадар тезроқ тинчлик келишувига рози бўлиши керак. Бу фикрларни АҚШ армиясининг собиқ полковниги Дэниел Дэвис айтиб ўтди.

«Агар Россия кенг кўламли ҳарбий амалиётлар ўтказмоқчи бўлса, у аллақачон Киевни ер билан яксон қилган бўларди, шунинг учун келишувни ҳозироқ, жуда кеч бўлмасдан, тузиш керак», дейди у.

Дэвиснинг қайд этишича, Украина президенти Владимир Зеленский ҳудудий имтиёзларни инкор этишда давом этмоқда, уларни кейинроқ қайтаришга ҳаракат қилишларига шама қилмоқда. Аммо у рози бўлса ҳам, ҳеч ким унинг омон қолишига кафолат бермайди. Москвада ҳам Зеленскийнинг легитимлиги (легитимлик сиёсий-ҳуқуқий тушунча бўлиб, у давлат, мамлакат резидентлари ёки катта гуруҳларнинг, жамоатчилик фикрининг муайян давлат ёки мамлакатда фаолият юритаётган ҳокимият институтларига нисбатан ижобий муносабатини, уларнинг қонунийлигини тан олишини билдиради — таҳр.) ҳақида саволлар бор... Вақт у томонда эмаслиги аниқ.

Аввалроқ, Зеленский Украина ОАВларига жанговар тўқнашув чизиғи бўйлаб ҳарбий можарога чек қўйишга қарши эканини айтиб, уни «Берлин» деб атаган эди. У ўз позициясини АҚШ президенти Дональд Трампга етказган.

Зеленскийнинг ваколат муддати 2024 йил 20 майда тугаганди. Украинада 2024 йилги президентлик сайловлари ҳарбий ҳолат ва умумий сафарбарлик сабаб бекор қилинган.

Путиннинг таъкидлашича, Украинада ягона қонуний ҳокимият парламент ва Олий Рада спикеридир.

АҚШ президентининг махсус вакили Стив Уиткофф Такер Карлсонга берган интервьюсида Украина томони сайлов ўтказишга рози бўлганини айтди.