Хоразм вилояти транспорт бошқармасида «Zhongtong Bus Holding Co., Ltd.» заводи вакиллари билан учрашув ташкил этилди. Учрашувда вилоятга олиб келиниши режалаштирилган автобусларга сервис хизматларни ташкил этиш, автобусларни техник жиҳатдан шаҳар йўлларига мос равишда ишлаб чиқариш ва Тошкент транспорт университети мутахасислар томонидан ишлаб чиқилган «Урганч шаҳар транспорт тизимини такомиллаштириш» модели муҳокама қилинди.

Шунингдек «Zhongtong Bus Holding Co., Ltd.» заводи вакиллари «БУНЁДЮЛОВЧИТАШИШ» МЧЖ томонидан автобусларни сақлаш ва эксплуатация қилиш бўйича яратилган шарт-шароитлар билан танишди.

Эслатиб ўтамиз, «Бунёдйўловчиташиш» МЧЖ ХИтойнинг «Zhongtong Bus Holding Co., Ltd.» заводи билан шаҳар йўналишлари учун 100 та автобус сотиб олиш бўйича шартнома имзолаган. Мазкур шартномага мувофиқ автобуслар жорий йилнинг якунига қадар Хоразм вилоятига олиб келиниши режалаштирилган.