Тошкентда жорий йилнинг 5 ўйида 29 киши ЙТҲ оқибатида ҳалок бўлди

Пойтахтда 2024 йилнинг ўтган 5 ойи мобайнида 393 та йўл-транспорт ҳодисаси қайд этилди.

Тошкент шаҳрида 2024 йилнинг беш ойида йўл-транспорт ҳодисасида оқибатида 29 киши ҳалок бўлди, яна 364 нафар фуқаро турли даражада жароҳатланди. Бу ҳақда пойтахт ИИББ бошлиғи, генерал майор Азиз Тошпўлатов раислигида 2024 йилнинг 6 ойи давомида амалга оширилган ишлар ҳамда йўл қўйилган камчиликларнинг муҳокамасига бағишланган йиғилиш бўлиб ўтган йиғилишда маълум қилинди.

Билдирилишича, йиғилишда 2024 йилнинг 5 ойи давомида Тошкент шаҳрида 393 та йўл-транспорт ҳодисаси қайд этилган, уларда 29 нафар фуқаро ҳалок бўлган, шунингдек, 364 нафар фуқаро турли даражадаги тан жароҳатлари олган.

Хабарга кўра, ЙТҲнинг 240 таси пиёдалар иштирокида содир этилган. ЙТҲнинг сабаблари таҳлил қилинганда, ҳайдовчилар томонидан йўл ҳаракати қоидаларига риоя қилмаслиги, пиёдаларнинг белгиланмаган жойлардан йўлни кесиб ўтиши натижасида содир этилгани 99 фоиз ҳолатда қайд этилган.